काठमाडौं – नेपाल प्रिमियर लिग (एनपीएल) क्रिकेटको दोस्रो संस्करण सुरु हुन अब नौ दिन मात्र बाँकी छ। प्रतियोगिताको तयारी स्वरूप कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा फ्लडलाइट जडानसहितका काम धमाधम भइरहेको छन्।
मैदानमा राखिने कुल ६ वटा फ्लडलाइट टावरमध्ये सबैमा बत्ती जडानको काम तीव्र गतिमा भइरहेको छ। प्रत्येक टावरमा १६०० वाट क्षमताका ७० वटा बत्ती जडान गरिँदै छन्। यस अनुसार ६ वटा टावरमा जडान हुने कूल ६ लाख ७२ हजार वाट क्षमताको प्रकाशले त्रिवि मैदान उज्यालो पार्नेछ।
नेपाल प्रिमियर लिगको दोस्रो संस्करण आगामी मंसिर १ गतेदेखि २७ गतेसम्म काठमाडौंमा आयोजना हुने छ।
