मनाङ – करिब तीन सातादेखि बेपत्ता रहेका भारतीय पर्यटक बाबु–छोरी मृत फेला परेका छन्। गुजरातका ५२ वर्षीय जिग्नेशकुमार लल्लुभाइ पटेल र उनकी १७ वर्षीया छोरी प्रियान्शु कुमारी पटेलको शव मनाङको ङिस्याङ गाउँपालिका–६ स्थित मिलारेपा गुम्बाबाट करिब २०० मिटर माथि हिउँमा पुरीएको अवस्थामा आइतबार फेला परेको हो।
उनीहरू २०८२ कार्तिक २ गतेदेखि हराइरहेका थिए। शव फेला परेपछि नेपाली सेना श्री नयाँ भैरवीदल गुल्म, नेपाल प्रहरी र सशस्त्र प्रहरी बलको संयुक्त टोलीले उद्धार गरि अहिले सदरमुकाम चामेस्थित प्रादेशिक अस्पतालतर्फ ल्याउने कार्य जारी रहेको नेपाली सेनाले जनाएको छ।
