काठमाडौं – रोयल इन्फिल्डले नेपालमा नयाँ मेटिओर ३५० लाइनअप सार्वजनिक गरेको छ। मनोरञ्जनात्मक तथा लामो यात्राका लागि डिजाइन गरिएको यस “इजी क्रूजर” मोटरसाइकल फायरबल, स्टेलर, ऑरोरा र सुपरनोभा गरी चार भेरियन्ट र सात नयाँ रङ विकल्प सहित बजारमा उपलब्ध भएको हो ।
३४९ सिसी जे–सिरिज इन्जिनसहितको नयाँ मेटिओर ३५० ले २०.२ BHP र २७ एनएम टर्क प्रदान गर्छ। सबै भेरियन्टमा एलईडी हेडलाम्प मानक रूपमा उपलब्ध छन्।
रङ र शैलीमा गरिएको विस्तृत सुधारसँगै, नयाँ मेटिओर ३५० मा अर्बन किट र ग्र्यान्ड टुरर किट जस्ता जेन्युइन मोटरसाइकल एक्सेसरी (GMA) किटहरू पनि उपलब्ध छन्।
नेपालमा यसको मूल्य ५ लाख ७७ हजारदेखि ५ लाख ९७ हजारसम्म तोकिएको छ। साथै, रोयल एनफिल्डले अब आफ्ना सबै मोटरसाइकलमा ७ वर्षसम्मको विस्तारित वारेन्टी र रोडसाइड असिस्टेन्स सुविधा पनि प्रदान गर्दैछ।
कम्पनीका अनुसार मेटिओर ३५० ले विश्वभर पाँच लाखभन्दा बढी सन्तुष्ट मालिकसहित क्रूजर सेग्मेन्टमा बलियो पहिचान बनाइसकेको छ।
