चीनको आउँदै गरेको नयाँ वर्षको अवसरमा आज शनिबार दशरथ रंगशालामा नेपाल र चीनबीच मैत्रीपूर्ण फुटबल खेल सम्पन्न भएको छ। खेलमा घरेलु टोली नेपालले चीनलाई ३–१ गोल अन्तरले पराजित गर्दै शानदार जित हात पारेको छ।
खेलभर नेपालले आक्रामक प्रदर्शन गर्दै प्रभावशाली खेल प्रस्तुत गरेको थियो। मैत्रीपूर्ण खेल भए पनि दर्शकको उल्लेखनीय उपस्थितिले रंगशाला उत्साहपूर्ण बनेको थियो।
नेपाल–चीनबीचको यो मैत्रीपूर्ण खेलले दुई देशबीचको खेलकुद सम्बन्ध थप प्रगाढ बनाउने विश्वास गरिएको छ।
तस्वीरहरू : सुनिल प्रधान
