काठमाडौं – प्राविधिक अधिकृत आधार तालिम सफलतापूर्वक सम्पन्न गरेका ९६ जना प्राविधिक उपसेनानीलाई आज दर्ज्यानी चिन्ह प्रदान गरिएको छ। जङ्गी अड्डामा आयोजित एक कार्यक्रममा प्रधानसेनापति अशोकराज सिग्देलले उनीहरूलाई दर्ज्यानी चिन्ह प्रदान गगरेका हुन् ।
सैनिक प्राड सेवा, सैनिक प्राविधिक सेवा, सैनिक हवाई सेवा तथा सैनिक विविध सेवा अन्तर्गतका प्राविधिक अधिकृतहरूले नेपाली सेनाको एकेडेमी खरिपाटीमा मंसिर १६ गतेदेखि फागुन २५ गतेसम्म सञ्चालन भएको सि.सं. ३६ प्राविधिक अधिकृत आधार तालिम सफलतापूर्वक सम्पन्न गरेका थिए।
समारोहमा बलाधिकृत, रथीवृन्द, विभिन्न अधिकृतहरूका साथै दर्ज्यानी चिन्ह प्राप्त गर्ने अधिकृतहरूका परिवारजनको समेत उपस्थिति रहेको थियो।
