पश्चिम एसिया क्षेत्रमा पछिल्लो समय पेट्रोलियम पदार्थ र ग्यासको अभाव देखिन थालेको छ। यसको प्रभाव देखिएपछि नेपालमा पनि असर पर्न थालेको छ।
नेपाल आयल निगमले पेट्रोल र ग्यासको अभाव नरहेको दाबी गरे पनि बालाजु औद्योगिक क्षेत्रमा रहेको नेपाल ग्यास उद्योगको वितरण कक्षमा ग्यास लिन आउने व्यक्तिहरूको लामो लाइन देखिएको छ।
भारतबाट नेपालमा समयमा ग्यास ढुवानी नहुँदा बजारमा उपभोक्ताले ग्यास अभाव महसुस गरेका छन्। नेपाल आयल निगमले पेट्रोल तथा ग्यासको अभाव नरहेको बताउँदै आएको छ।
तर ग्यास बिक्री डिपोहरुले कृतिम अभाव सृजना गरेको अवस्थामा बालाजु औद्योगिक क्षेत्र भित्रको नेपाल ग्यास उद्योगको वितरण कक्षमा ग्यास लिन सयौँको लाइन देखिन थालेको छ।
