काठमाडौं – अखिल (क्रान्तिकारी) ले मन्त्रिपरिषद्का सदस्यहरूको सार्वजनिक गरिएको सम्पत्तिको स्रोत स्पष्ट पार्न र त्यसको छानबिन गर्न माग गर्दै विरोध प्रदर्शन गरेको छ ।
माइतीघर मण्डला मा आज आयोजित प्रदर्शनमा सहभागीहरूले “गरिबको चमेली, सुन दिने कोही छैन” लगायतका नाराबाजी गर्दै सरकारको ध्यानाकर्षण गराएका थिए ।
संगठनले हालै सार्वजनिक गरिएको मन्त्रीहरूको सम्पत्ति विवरणमा उल्लेख गरिएका स्रोतप्रति शंका व्यक्त गर्दै पारदर्शिता कायम गर्न तत्काल छानबिन आवश्यक रहेको जनाएको छ । उनीहरूले सम्पत्ति विवरण केवल औपचारिकतामा सीमित नभई यसको वास्तविकता परीक्षण गरिनुपर्ने बताएका छन् ।
प्रदर्शनका क्रममा अखिल (क्रान्तिकारी) का नेताहरूले जनताले तिरेको करबाट सञ्चालित राज्य संयन्त्रप्रति उत्तरदायित्व र पारदर्शिता अनिवार्य भएको उल्लेख गर्दै भ्रष्टाचार नियन्त्रणका लागि कडा कदम चाल्न सरकारसँग माग गरेका छन् । तस्विरहरू: सक्षम घिमिरे / नेपाल न्यूज बैंक
