काठमाडौं — वर्षा र सहकालका देवता मानिने रातो मच्छिन्द्रनाथ को रथारोहण शनिबार सम्पन्न गरिएको छ।
हरेक वर्ष वैशाख शुक्ल पक्ष प्रतिपदाको दिन साइत निकालेर मच्छिन्द्रनाथलाई रथमा विराजमान गराउने परम्परा अनुसार यस वर्ष पनि विधिवत रूपमा रथारोहण गरिएको हो।
मच्छिन्द्रनाथको मूर्तिलाई ललितपुरस्थित तःबहाल बाट खटमा राखी पुल्चोक मा निर्माण गरिएको विशाल रथमा पुर्याएर विराजमान गराएपछि औपचारिक रूपमा जात्रा सुरु भएको मानिन्छ।
काठमाडौँ उपत्यकाकै सबैभन्दा लामो र महत्वपूर्ण जात्रामध्ये एक मानिने यो जात्रा केही हप्तासम्म विभिन्न स्थानमा रथ तान्दै मनाइनेछ।
तस्वीर: शंकर भुजेल/रमिता छुँजु/अन्नपूर्ण टाइम्स
