नेपाल क्रिकेट संघ (क्यान) ले रोहित पौडेल लाई कप्तानबाट हटाउँदै दीपेन्द्र सिंह ऐरी को कप्तानीमा एसियन गेम्स क्वालिफायरका लागि नयाँ टोली घोषणा गरेको छ।
क्यानले सार्वजनिक गरेको १४ सदस्यीय टोलीमा पूर्वकप्तान रोहित पौडेल पनि समावेश छन्। टोलीमा कुशल भुर्तेल, आसिफ शेख, सन्दीप जोरा, कुशल मल्ल, लोकेश बम, सोमपाल कामी, सन्दीप लामिछाने, शेर मल्ल, नन्दन यादव, आरिफ शेख, करण केसी र साहव आलम रहेका छन्।
एसियन गेम्स क्वालिफायर प्रतियोगिता मे ३१ देखि जुन ९ सम्म सिंगापुर मा आयोजना हुँदैछ। नेपालले आफ्नो पहिलो खेल मे ३१ बिहान ७:१५ बजे चीन विरुद्ध खेल्नेछ। त्यसपछि जुन २ मा कतार र जुन ४ मा मलेसिया सँग प्रतिस्पर्धा गर्ने तालिका छ।
नेपाल रहेको समूहमा चीन, मलेसिया र कतार छन् भने अर्को समूहमा सिंगापुर, ओमान, हङकङ र बहराइन रहेका छन्।
