काठमाडौं — प्रधान सेनापति महारथी अशोक राज सिग्देलले पदोन्नति भएका नेपाली सेनाका अधिकृतहरूलाई दर्ज्यानी चिन्ह प्रदान गरेका छन्।
नेपाल सरकार, मन्त्रिपरिषद्को जेठ २९ गतेको निर्णयअनुसार उपरथी दर्जामा पदोन्नति भएका सहायक रथी भुवनपूर्ण सत्याल, मानार्थ उपरथी दर्जामा पदोन्नति भएका सहायक रथी रोशन शम्सेर राणा तथा मानार्थ सहायक रथी दर्जामा पदोन्नति भएका महासेनानी उमेश कार्कीलाई प्रधान सेनापति सिग्देलले मंगलबार जङ्गी अड्डामा आयोजित विशेष समारोहबीच दर्ज्यानी चिन्ह प्रदान गरेका हुन्।
समारोहमा नेपाली सेनाका रथीवृन्द, अन्य सैनिक अधिकृत तथा पदोन्नति भएका अधिकृतका परिवारजनको उपस्थिति रहेको थियो।
