काठमाडौं- बाराका २२ जना कोरोना भाइरसको संक्रमण मुक्त भएर घर फर्किएका छन् । कलैया तीन गङागापुरमा रहेको कोरोना अस्थायी विशेष अस्पतालमा उपचाररत २२ जना संक्रमण मुक्त भएर गएराति डिस्चार्ज भएका हुन् ।
डिस्चार्ज हुनेहरूमा पचारौता नगरपालिका १० जना, सिम्रौनगढ नगरपालिकाका ६ जना, महागढीमाई नगरपालिकाका ४ जना र बारागढी गाउँपालिकाका एकजना रहेका छन् ।
यस्तै जिल्ला प्रहरी कार्यालय बारामा कार्यरत एकजना प्रहरी पनि कोरोनामुक्त भएका छन् ।
त्यस्तै प्रादेशिक अस्पताल जनकपुरधाम अन्तर्गत रहेको कोरोना विशेष अस्पतालबाट १५ जनाले कोरोना जितेका छन् । गत जेठ ९ गते कोरोना पुष्टि भएर अस्पतालमा भर्ना भएका १४ पुरुष र एक महिला कोरोना भाइरसलाई जितेर डिस्चार्ज भएका हुन् ।
धनुषा, महोत्तरी, सर्लाही र भारत बिहार मधवापुरका संक्रमित घर फर्केको प्रादेशिक अस्पताल जनकपुरले जानकारी दिएको छ । अस्पतालका अनुसार ७ जना नेपाली र ८ जना भारतीय नागरिक घर फर्केका हुन् । डिस्चार्ज हुनेमा १८ वर्षदेखि ४५ वर्षका व्यक्ति छन् ।
