राहुल गुप्ता, विरगंज – लकडाउनको मौका छोपी अबैध घरेलु मदिरा ओसार पसार गर्ने एकलाई पर्सा प्रहरीले पकाउ गरेको छ ।बिशेष सूचना अनुसार बिश्व व्यापी महामारीको रुपमा फैलिएको कोरोना भाईरस नियन्त्रण तथा रोकथामको लागि नेपाल सरकारले आह्वान गरेको बन्दाबन्दी (लकडाउन) को मौका पारी सोमबार राती पर्साबाट खटिएको प्रहरी टोलीले पर्साले पक्राउ गरेको हो।
पक्राउ पर्नेमा ईनर्वा मनियारी बस्ने बर्ष १९ को राजेश साह रहेका छन्। उनलाई ना.३ प ६७३ नम्बरको मोटर साइकल मा ६५ लिटर तयारी घरेलु मदिरा लोड गरी जादै गरेको अवस्थामा प्रहरीले पक्राउ गरेको थियो। साहलाई आवश्यक कारवाहीको लागि आन्तरीक राजश्व कार्यालय बीरगंज पर्सामा पठाइएको पर्सा प्रहरीले जनाएको छ ।
