वीरगञ्ज – नेपालमा कोरोना संक्रमणबाट थप १ जनाको मृत्यु भएको छ । पर्साको वीरगञ्जमा रहेको घण्टाघरमा मृत भेटिएका अन्दाजी २५ वर्षीय पुरुषमा कोरोना संक्रमण पुष्टि भएको हो ।
उनी को हुन भनेर पहिचान खुल्न नसकेको प्रहरीले जनाएको छ । वेवारिसे अवस्थामा भेटिएको शवमा कोरोना संक्रमण पुष्टि भएको छ ।
वीरगञ्जको घण्टाघरमा भेटिएका मृतकको नाम, थर, ठेगाना खुलेको छैन । उनको शव पोष्टमार्टमपछि पनि नारायणी अस्पतालमै राखिएको थियो । बेवारिसे शव भए पनि पीसीआर परीक्षणका लागि अस्पतालले स्वाब संकलन गरेको थियो ।
मृतकको पीसीआर रिपोर्ट पोजेटिभ आएको नारायणी अस्पतालले जनाएको छ । शव उठाउने लगायतका कार्यमा खटिएका तीन जना प्रहरीलाई क्वारेन्टिनमा राखिएको छ । यो संगै नेपालमा कारोना संक्रमणबाट मृत्यु हुनेको संख्या १७ पुगेको छ ।
