आफ्नै साथीले साथीको हत्या गरेपछि… (भिडियोसहित)

आफ्नै साथीले साथीको हत्या गरे भन्दा अचम्म लाग्न सक्छ । तपाईं आफ्नो मिल्ने साथीलाई आँखा चिम्लेर विश्वास गर्नुहुन्छ ? विश्वास गर्नुहुन्छ भने कुनै दिन गहिरिएर सोच्नुपर्ने परिस्थिति पनि नआउला भन्न सकिन्न । कहिलेकाही तपाईंको विश्वासिलो नजिकको साथीले तपाईंको ज्यान पनि लिन सक्छ । यस्तै विषयमा बनेको लघुचलचित्र “ट्रष्ट” अर्थात् (विश्वास) सार्वजनिक भएको छ ।

लघुचलचित्रमा एकदमै मिल्ने दुई साथीहरूमाथिको विश्वास कसरी तोडिन्छ भन्ने कुरा उतार्न खोजिएको छ ।
कथा एउटा क्याफेबाट शुरु हुन्छ । दुवै जना चिया पिउँछन्, बाँडेर खाजा खान्छन् । बिल तिर्ने बेलामा दुवैले तिर्न खोज्छन् । एकजनाले बिल तिरेपछि दुवै कोठामा आउँछन् अनि शुरु हुन्छ विश्वासमाथिको प्रश्न । बिल तिर्ने बेलामा साथीको पर्समा भएको आफ्नो प्रेमिकाको फोटोले कथालाई नयाँ मोड थपिदिन्छ ।

कथाको मुख्य पात्र अर्थात घटनाको मुख्य कारण प्रेमिका भएतापनि उनको भुमिकालाई तस्बिरमार्फत देखाउन खोजिएको छ । धेरै केटीहरु खेलाईराख्ने साथीले आफ्नै प्रेमिकालाई पनि नछोडेपछि विश्वास र सम्बन्ध टुट्ने मात्र हैन ज्यान लिन पनि पछि हट्दैन भन्ने कुरालाई देखाईएको छ । एउटा बन्द कोठाभित्र दुई साथीबिचको द्वन्द्वात्मक दृश्यले धेरैको मन सिरिङ्ग बनाईदिन्छ, जसकारण पोष्टरमा १६ वर्षमाथिकालाई मात्र हेर्न प्रेरित गरिएको छ । घटनाको रहस्य अन्तीममा मात्र खुल्दै जान्छ, जसकारण कथावस्तु सरल रुपमा सजिलै बुझ्न कठिन हुन्छ ।

कुनै संवाद प्रयोग नगरिएको यस लघुचलचित्रमा समाजमा हुन सक्ने घटनाको प्रतिनिधित्व गरेर घनिष्ठ साथीको विश्वासमाथि प्रश्न उठाईएको छ । दुई आत्मिय साथीको विश्वास कसरी टुट्छ भन्ने विषयलाई उठान गरिएको छ । करिब १३ मिनेट लामो लघुचलचित्र हेरिरहँदा आफ्नै साथीको विश्वासलाई एकपटक सोच्न बाध्य बनाउँछ । निर्माण पक्ष केही कमजोर देखिएतापनि चलचित्र हेरिरहँदा दर्शकलाई कौतुहलता जगाइरहन्छ । समग्र रुपमा यसबाट दर्शकलाई सन्देश दिने भन्दा पनि सचेत तुल्याउन प्रेरित गरेको भेटिन्छ ।

सञ्चारकर्मी तथा रंगकर्मी मोहन अभिलाषीको लेखन तथा निर्देशनमा बनेको चलचित्रको छायांकन रामकृष्ण चौँलागाइँले गरेका हुन् । क्याफे, कोठा र पार्कमा छायांकन गरिएको यस लघुचलचित्रमा मोहन अभिलाषी, मोहन श्रेष्ठ, मुकेश हमाल, प्रेम श्रेष्ठ लगायतका कलाकारहरुको अभिनय रहेको छ ।

हेर्नुहोस् भिडियो :

सिफारिस

नेपाली मूलका अस्ट्रेलियाली व्यवसायी पिजे श्रेष्ठलाई एसीयूको ‘ग्लोबल कनेक्सन एलुम्नाइ अवार्ड’

काठमाडौं - नेपाली मूलका अस्ट्रेलियाली उद्यमी तथा सामाजिक अभियन्ता प्रामेज (पिजे) श्रेष्ठले अस्ट्रेलियन क्याथोलिक युनिभर्सिटी (एसीयू) को सन् २०२६ को ‘ग्लोबल कनेक्सन एलुम्नाइ अवार्ड’...

स्वरूप परिवर्तन गरी ठूलो आवाज निकाल्ने ४०१ मोटरसाइकल ट्राफिक प्रहरीको नियन्त्रणमा (तस्बिरहरू)

काठमाडौं उपत्यकामा स्वरूप परिवर्तन गरी चर्को आवाज निकाल्ने ४०१ वटा मोटरसाइकललाई ट्राफिक प्रहरीले नियन्त्रणमा लिएको छ। काठमाडौँ उपत्यका ट्राफिक प्रहरी कार्यालय रामशाहपथले सञ्चालन गरेको विशेष...

उदाउँदो सूर्यलाई अर्घ दिएसँगै छठ पर्व सम्पन्न (तस्बिरहरू)

ललितपुर - उदाउँदो सूर्यलाई अर्घ अर्पण गरेसँगै चारदिने छठ पर्व सोमबार बिहान सम्पन्न भएको छ। छठ पर्वको अन्तिम दिन आज बिहान ललितपुरको कुपन्डोललगायत विभिन्न...

भर्खरै

स्वरूप परिवर्तन गरी ठूलो आवाज निकाल्ने ४०१ मोटरसाइकल ट्राफिक प्रहरीको नियन्त्रणमा (तस्बिरहरू)

काठमाडौं उपत्यकामा स्वरूप परिवर्तन गरी चर्को आवाज निकाल्ने ४०१...

उदाउँदो सूर्यलाई अर्घ दिएसँगै छठ पर्व सम्पन्न (तस्बिरहरू)

ललितपुर - उदाउँदो सूर्यलाई अर्घ अर्पण गरेसँगै चारदिने छठ...

कुकुरको सीप प्रदर्शनसँगै नेपाली सेनाले मनायो कुकुर तिहार (तस्बिरहरू)

यमपञ्चक अर्थात् तिहारको दोस्रो दिन आज देशभर कुकुर तिहार...

‘काठमाडौँ फिल्म फेस्टिभल’ को रेड कार्पेटमा स्वदेशी तथा विदेशी कलाकार (तस्बिरहरू)

काठमाडौँ- काठमाडौँमा जारी तीनदिने ‘काठमाडौँ फिल्म फेस्टिभल’ को दोस्रो...

डोल्पा कारागारबाट सुरुङ खनेर यसरी भागेका थिए आठ कैदी (तस्बिरहरू)

डोल्पा - डोल्पाको सदरमुकाम दुनैस्थित जिल्ला कारागारबाट सुरुङ खनेर...

सांस्कृतिक उत्सवका साथ सुरु भयो ‘काठमाडौँ फिल्म फेस्टिभल’ (तस्बिरहरू)

काठमाडौँ-  काठमाडौँमा शुक्रबारदेखि पहिलो ‘काठमाडौँ फिल्म फेस्टिभल’ सुरु भएको...

धेरै पढिएको