ठमाण्डाै – कांग्रेस एवं पूर्व गृहराज्य मन्त्री सांसद देवेन्द्रराज कँडेलको दोहोरो नागरिकताका विषयमा सञ्चारमाध्यममा आएका समाचारप्रति नेपाली प्रवक्ता विश्वप्रकाश शर्माले कँडेलको दोहोरो नागरिकताकाका विषयमा निष्पक्ष अनुसन्धानबिना नै किटान गरेर समाचार लेख्न नहुने भन्दै सचेत गराएका छन् ।
‘व्यक्तिका कमजोरीमाथी खुलेरै बोलौं तर नागरिकतामाथि नै प्रश्न गर्नुअघि हजार पटक सोचेर गरौं, उनले सामाजिक संजाल ट्विटरमा लेखेका छन् , ‘यो राजनीतिकर्मीको विषय मात्रै होइन कलमजीवीहरुको विश्वसनीयताको प्रश्न पनि हो ।’
उनले नागरिकताका विषयमा प्रश्न उठेपछि सांसद कँडेलले तथ्य प्रस्ट्याउने र अनुसन्धानलाई सघाउने विश्वास पनि लिनुभएको छ ।
हजुरामा राधा´ले राणाकालमा यता स्कुल खोल्न नपाएपछि दसगजा पारी खोल्नुभो राधाकुमारी स्कुल l पिता १५ सालका एमपी l तेस्रो पुस्तामा स्कुल देवेन्द्र कंडेलको नेतृत्वमा आयो l सत्य यहि हो l
रह्यो नागरिकताको प्रश्न l निष्पक्ष अनुसन्धान नगरी किटानी नलेख्नु,फर्जी ठहरे जेल पठाउनु l जय नेपाल !
— Bishwa Prakash शर्मा (@bishwaprakash77) October 22, 2019
भारतको उत्तर प्रदेशकाे महाराजगञ्ज जिल्लाको ठुठीबारीस्थित राधाकुमारी इन्टरकलेज व्यवस्थापन समितिको अध्यक्षमा चुनाव लड्दै विजयी बनेपछि कँडेल भारतीय नागरिक रहेको भन्दै सञ्चारमाध्यममा समाचार प्रकाशित भएको थियो ।
कांग्रेसले भने त्यो कलेज राणा शासन कालमा नै उनको हजुरआमा राधादेवीले नेपालमा खोल्न नपाएपछि नेपालीलाई पढाउनकै लागि सीमापारि गएर खोल्नु भएको र अहिले तेस्रो पुस्तामा आइपुग्दा त्यसको जिम्मेवारी देवेन्द्रराज कँडेलले लिएको जनाएको छ ।
वि.सं.२०१५ मा देवेन्द्रराज कँडेलका बुवा पृथ्वीराज कँडेल कांग्रेसबाट सांसद बनेको स्मरण गर्दै नागरिकताको विषयमा प्रश्न उठाउँदा वास्तविकता बुझ्न पनि आग्रह गरेको छ । कांग्रेस प्रवक्ता शर्माले भने , ‘निष्पक्ष अनुसन्धान नगरी किटानी नलेख्नु, फर्जी ठहरे जेल पठाउनु ।’
