रामेछाप – मन्थली सहिद स्मृति बहुमुखी क्याम्पस मन्थलीमा नेपाल विद्यार्थी संघले अायाेजना गरेकाेे स्वतन्त्र विद्यार्थी युनियनकाे निर्वाचन सम्बन्धि छलफलमा नेपाल विद्यार्थी संघका महामन्त्री बलदेव तिमल्सिनाले सरकारले स्ववियु निर्वाचनकाे काेरा तालिका सार्वजनिक गरेर स्ववियु निर्वाचन असफल पार्ने खेल भएकाे अाराेप लगाउनु भएकाे छ ।

सहिद स्मृति बहुमुखी क्याम्पस मन्थलीमा बिहिवार भएकाे स्ववियु निर्वाचन सम्बन्धि छलफलमा महामन्त्री तिमल्सिनाले स्ववियु निर्वाचन सम्बन्धि नेविसंघसँग कुनै सरसल्लाह तथा छलफल नै नगरि तालिका सार्वजनिक गरेकाे बताउनु भयाे । उक्त तालिका समेत सामाजिक संजाल मार्फत जानकारी पाएता पनि अाधिकारीक रुपमा भने जानकारी नभएकाे बताउनु भयाे । यसैगरि निर्वाचन समितिमा त्रिभुवन विस्वविद्यालयका शिक्षाध्यक्ष प्रमुख रहने व्यवस्था भएता पनि साे नियुक्त नगरि काेरा निर्वाचन तालिका सार्वजनिक भएकाेमा अापत्ति समेत जनाउनु भएकाे छ । यद्यपि नेविसंघ निर्वाचनकाे पक्षमा रहेकाे जानकारी गराउदै उहाले स्ववियु निर्वाचनकाे तयारीमा लाग्न सम्पुर्ण विद्यार्थीलाई अाग्रह गर्नुभएकाे छ ।

कार्यक्रममा नेपाल विद्यार्थी संघ मन्थली सहिद स्मृति बहुमुखी क्याम्पसका इकाई सभापति सन्ताेष सुवेदीकाे अध्यक्षता तथा नेपाल विद्यार्थी संघका केन्द्रीय महामन्त्री बलदेव तिमल्सिनासिना, नेविसंघका केन्द्रीय नेताहरु,विपिन अधिकारी ,नारायण हमाल, सुशील भट्ट , विना गिरी, रत्नहरि ढुङ्गेल तगाएतकाे उपस्थित रहेकाे थियाे ।
स्ववियु निर्वाचन असफल पार्ने सरकारकाे खेल – महामन्त्री तिमल्सिना
