चितवन क्षेत्र नम्बर २ मा राष्ट्रिय स्वतन्त्र पार्टीका रवि लामिछानेले आफ्ना प्रतिस्पर्धीभन्दा दोब्बर बढी मतले अग्रता लिइरहेका छन्।
पछिल्लो मत परिणामअनुसार २७ हजार ४ सय ९४ मत गन्दा रवि लामिछाने ७ हजार ३ सय ९२ भोटले अगाडि छन्।
उनले १३६४१ मत ल्याएका छन् भने उनका निकट प्रतिस्पर्धी नेकपा एमालेका कृष्णभक्त पोखरेलले ६२४९ मत ल्याएका छन्।
यहाँ नेपाली काग्रेसका उमेश श्रेष्ठ तेस्रो स्थानमा छन्। उनले ५९३५ मत ल्याएका छन्।
त्यस्तै, राष्ट्रिय स्वतन्त्र पार्टीले तेस्रो जित निकालेको छ। काठमाडौं क्षेत्र नम्बर ७ बाट जित निकाल्दै प्रतिनिधिसभाको ३ सिट स्वतन्त्र पार्टीले सुरक्षित गरेको छ।
काठमाडौं ७ मा सो पार्टीबाट उम्मेदवार बनेका गणेश पराजुली विजयी भएका हुन्। उनले नेकपा एमालेका श्याम घिमिरेलाई पराजित गरेका हुन्।
उता, सत्ता गठबन्धनका तर्फबाट उम्मेदवार बनेकी मानुषी यमि भट्टराई भने तेस्रो स्थानमा सीमित भएकी छिन्। यहाँको औपचारिक मतपरिणाम भने सार्वजनिक गर्न बाँकी छ।
त्यस्तै, काठमाडौं २ मा सोविता गौतम र काठमाडौं ८ मा विराजभक्त श्रेष्ठले जित निकालेका छन्।।
