काठमाडौँ – अंकुर पदवी शिक्षा सदन स्कुलमा अवाकस प्रतियोगिता सम्पन्न गरिएको छ । काठमाडौँको टोखा-७ धापासीमा रहेको उक्त स्कुलमा बिहिबार एक कार्यक्रमको आयोजना गरी सम्पन्न गरिएको हो ।
कार्यक्रममा १ देखि ७ कक्षासम्मका विद्यार्थीहरुको सहभागिता रहेको थियो । प्रतियोगितामा छानिएका विद्यार्थीहरुले राष्ट्रिय तथा अन्तराष्ट्रिय प्रतिगोगितामा सहभागी हुन पाउने छन्। विद्यालयले उक्त विषयलाई यहि बर्षदेखि बैकल्पिक विषयका रुपमा पठन पाठन गराउँदै आएको छ ।
कार्यक्रममा बोल्दै अंकुर पदवी शिक्षा सदन स्कुलका अध्यक्ष रुद्र प्रसाद न्यौपानेले अवाकसले विद्यार्थीको समग्र मष्तिस्कलाई सक्रिय बनाउन धेरै नै सहयोग गरेको बताए। ‘आजको कार्यक्रमबाट यसको प्रभाव विद्यार्थीहरूमा कस्तो परेको छ भन्ने कुरा प्रत्यक्ष थाहा पाएका छौँ’ उनले भने। न्यौपानेले हामी शैक्षिक सत्रमा पनि यस अवाकसलाई अलि बढी समय दिएर पठन पाठन गराउँदै लैजाने समेत बताए।
त्यस्तै, प्रिन्सिपल अर्जुन न्यौपानेले पनि अवाकसले गर्दा विद्यार्थीको समग्र पढाइसंगै गणितीय समस्या समाधानमा परिवर्तन आएको बताए। उनले यो प्रणाली पढाइ सुरु गरेको पहिलो वर्ष भएकाले आगामी वर्ष विद्यार्थीहरूमा झन् धेरै परिवर्तन आउने विश्वास गरे।
त्यसैगरी, अवाकसले बालबालिकाको ध्यान केन्द्रित गर्न धेरै सहयोग गरेको अभिभावकहरुले बताए । उनीहरुले आजको कार्यक्रममा आफ्ना बालाबालिकाले अवाकस प्रणालीबाट छिटो छरितो तरिकाले गणितीय समस्या समाधान गरेको प्रत्यक्ष देख्न पाउँदा झन् धेरै अवाकस सम्बन्धि जानकारी पाएको भन्दै खुसी व्यक्त गरे।
शैक्षिक क्षेत्रमा नयाँ प्रयोग गरिएको अवाकसले बालबालिकाको मष्तिस्क विकास, गणितीय समस्या समाधान गर्न सहज, ध्यानलाई केन्द्रिकृत गराउने गर्दछ । विश्वका १ सय ५० भन्दा बढी देशमा यसको प्रयोग भइरहेको छ ।
विश्वमा २ हजार बर्ष पहिले नै यसको प्रयोग गरिएको पाइए पनि नेपालमा बालविकास एनसीमासले १८ वर्षदेखि गर्दै आएको छ । धेरै जसो विद्यालयहरुले यस अवाकस प्रणालीलाई नियमित पाठ्यक्रममा समाबेश गरी अध्यापन गराउँदै आइएका छन्।
