काठमाडौं- जनता सामाजवादी पार्टीका नेता तथा तत्कालिन राष्ट्रिय जनता पार्टीका महासचिव केशव झाले कांग्रेस र नेकपाले भारतले मिचेको नेपाली भूमि फिर्ता ल्याउन नसक्ने बताएका छन्। अन्नपूर्ण टाइम्ससंगको विशेष कुराकानीमा नेपालको भूमि बेच्ने नै उनीहरु रहेकाले यीनले कागज मै देखाएर मरेको बाघको जुँगा तान्ने मात्र हो भन्दै कुनै पनि हालतमा भूमि फिर्ता ल्याउन नसक्ने बताए । भारतले मिचिएको भूमि जनता सामाजवादी पार्टीको नेतृत्वले मात्र फिर्ता ल्याउन सक्ने जिकिर गरे। राष्ट्रियताको सवालमा मधेस जत्तिको देश भक्ति अरु कुनै पनि नगरेको पनि उनले बताए।
नयाँ नक्सा सम्बन्धि आफुहरुको बिमति नगरेको, मात्र हाम्रो मुद्दा पनि संगै लैजान सरकारसंग आग्रह गरेको उनले बताए।उनले भने : ‘निशान छाप नक्सा संबिधान संशोधन गर्दैमा नेपालको भुमि फिर्ता हुँदैन,पहिला आन्तारिक समस्या हल गरेर एक जुट भएर बाहिय शक्तिसंग लडौं ।
उनले आफुहरुलाई भारतीय भएर हेप्ने गरेको पनि बताए। सिमा पारी जाउँ नेपालिया भनेर हेप्छन अनि वारी आउँ मधेसी, धोति इन्डियन भनेर हेप्छन हाम्रो परिचय के त भन्दै उनले गुनासो समेत गरे।
कांग्रेसका मधेसी मुलका नेताहरुले पनि संसदीय दल मै छलफल नगरी संशोधन विधेयक दर्ता गरेछन नि ? भन्ने प्रश्नमा उनले कांग्रेसमा सभापति नभनी पार्टीमा पात समेत हल्लिन नसक्ने झाले बताए।
