काठमाडौं – नेपालमा थप एक जनाको कोरोना भाइरसको संक्रमणबाट मृत्यु भएको छ । मृत्यु हुनेमा पर्साको वीरगञ्जका अन्दाजी ६० वर्षीय पुरुष रहेका छन् । उनको मंगलबार बेलुका गण्डक अस्पतालमा उपचारको क्रममा मृत्यु भएको हो । उनलाई गएको सोमबार सास फेर्न समस्या भएपछि एडभान्स अस्पतालमा भर्ना गरिएको थियो ।
त्यसपछि उनलाई मंगलबार नै गण्डकस्थित कोभिड अस्पतालमा लगिएकोमा साँझ मृत्यु भएको हो । उक्त पुरुषको मृत्यु भएपछि कोरोना रिपोर्ट पोजेटिभ आएको हो । यससँगै नेपालमा कोरोनाबाट मृत्यु हुनेको संख्या ४३ पुगेको छ ।