रामेछाप – भूकम्पले क्षति पु¥याएका निजी आवासको पुननिर्माणका लागि रामेछाप जिल्लामा खटिएका प्राविधिकहरु धमाधम कारवाहिमा पर्न थालेका छन् ।
खटाइएको क्षेत्रमा नबस्ने, विदा स्वीकृत नगराई आफु खुसी हिड्ने, जनप्रतिनिधिलाई झुक्याउने, अन्यत्र रहेको बेला वडामा छु भन्ने जस्ता गलत क्रियाकलाप गर्ने प्राविधिकहरु कारवाहीमा पर्न थालेका हुन । आयोजनाबाट १ दर्जन भन्दा बढी प्राविधिक यसै साता कारवाहिमा परेका छन् । कारवाहिमा परेका प्राविधिकहरुलाई अव आयोजनाले कामकाज लगाउने छैन् ।
जिल्ला आयोजना कार्यान्वयन इकाई (भवन ) का आयोजना प्रमुख गणेश अर्यालका अनुसार नियमित वडामा रहेर काम गर्दै आएका बाहेकका प्राविधिकहरुलाई श्रावण देखि करार संझौता नविकरण नहुने भएको हो । कारवाहि स्वरुप करार संझौता नहुने प्राविधिक बाहेक अरुलाई ३ दिन भित्र सम्बन्धित वडामा पुगेर जनप्रतिनिधिको रोहवरमा उपस्थित भएको जनाउ दिन निर्देशन दिइएको अर्यालले वताएका छन् ।
विगतमा वडाले गरेको हाजिरी प्रमाणितका आधारमा तलव भत्ता भुक्तानी दिदै आएको आयोजनाले अव हाजिरी आएकै भरमा तलब नदिने निती पनि अख्तियार गरेको छ । केहि वडाबाट फर्जी हाजिरी आएपछि त्यस कार्यमा कडाई गरीएको हो ।
वडामा नवस्ने गरेका प्राविधिकहरुलाई गएको आर्थिक बर्षमा प्रोत्साहन भत्ताको रकम समेत आयोजनाले कटौती गरेको छ । आयोजनाका अनुसार धेरै प्राविधिकको प्रोत्साहन भत्ता काटिएको छ । ‘प्रोेत्साहन अधिकार हैन, नियमित वडामा हाजिर गरेर वस्ने र तोकिएको काम गर्नेका लागि हो ’ अर्याल भन्छन् – त्यसैले विगतमा हुने बेथितिलाई अन्त्य गरी राम्रो थिति वसाउनका लागि कार्यसम्पादनस्तर कमजोर भएका प्राविधिकहरुलाई प्रोत्साहन नदिएका हौं । ‘जो वडामै वस्दैन, आयोजनालाई जानकारी नै नदिई महिनौं बाहिर रहन्छ , त्यस्तोलाई किन प्रोत्साहन दिनु प¥यो ? ’ अर्यालको भनाई छ । पुननिर्माण प्राधिकरणले पौष, माघ , फागुन र आषाढ गरी ४ महिनाको प्रोत्साहन भत्ता उपलव्ध गराउने निर्णय गरेको थियो ।
केहि प्राविधिकहरु वडामा नहुदा नहुदै आयोजनाई वडामा रहेको गलत सूचना दिन थालेपछि यो पटक देखि वडाका जनप्रतिनिधि र आयोजना विच दोहोरो संबाद गराउने अभ्यास पनि थालिएको छ । प्राविधिकहरुलाई ३ दिन भित्र वडामा पुगेर दोहोरो सम्बाद गराएका आधारमा मात्र करार नविकरण गर्ने सूचना आयोजनाले जारी गरेको छ । प्राविधिकहरुको श्रावण देखि करार अवधि नविकरण हुनेगर्छ ।
रामेछापका स्थानीय तहहरुमा झण्डै १ सय ५० जना भन्दा बढी प्राविधिक निजी आवासको लागि कामकाज गर्दै आएका छन् । उनिहरुलाई आयोजनाले करार गरी कामकाजको लागि वडामा पठाउने गर्छ ।
काम छल्ने प्राविधिक धमाधम कारवाहिमा
