डम्बर निदाल
डडेल्धुरा – जिल्ला सदरमुकाममा रहेको अमरगढी नगरपालिकामा आज एक जनामा कोरोना देखिएको छ । केहिदिन अघि अमरगढी नगरपालिका वडा नं ५ का एक परिवार भारतबाट आएका थिए उनीहरु मध्ये एक जना ८ वर्षीया बालिकामा कोरोना पुष्टि भएको हो । परिवारका अन्य चार जनाको रिपोर्ट नेगेटिभ आएको अमरगढी नगरपालिका स्वास्थ्य शाखा प्रमुख गणेश बिष्टले बताए ।
भारतको लुधियानाबाट आएर होम क्वारेन्टाईनमा बसेका परिवारका पाँचै जनाको शनिवार कोरोना स्वाब परिक्षण गरिएको थियोे । परिवारका अरु चार जनाको रिपोर्ट नेगेटिभ आएको छ, भने आठ वर्षीया बालिकामा कोरोना देखिएको छ । बालिकाको स्वास्थ्य अवस्था सामान्य रहेको र घर एकान्तमा भएकाले बालिका लाई होम क्वारेन्टाईनमै परिवार सँगै राखिएको छ ।
स्वास्थ्य शाखा प्रमुख बिष्टका अनुसार “अहिले एक जना हेल्थ वर्कर राखेका छौँ र हरेक दिन उनिहरुको चेक जाँच भैरहेको छ । उनिहरुलाई घर बाट बाहिर जानदिएका छैनौ, सबैले निगरानी गरेका छौ । भारत बाट आई सिधै घरमा बसेकाले उनिहरुको सम्पर्कमा कोही पनि आएको छैन । स्वास्थ्य सुरक्षाका साथ राखिएको जनाएको छ ।
केहि दिन अगाडी अमरगढी नगरपालिका बजार क्षेत्रमा संकलन गरिएको ७७ जनाको कोरोना स्वाबको सोमबार रिपोर्ट आउदा सबैको नेगेटिभ आएको अमरगढी स्वास्थ्य शाखा प्रमुख बिष्टले जानकारी दिए ।
