काठमाडौं – नेपाली क्रिकेटर सन्दीप लामिछाने सम्मलित जमैका तल्लावाहजले क्यारेबियन प्रिमियर लिग (सीपीएल) टी–२० क्रिकेटमा विजयी सुरुवात गरेको छ ।
पहिलो खेलमा नेपाली स्पिनर सन्दीप लामिछानेले एक विकेट लिएका छन् । सन्दीपले सेन्ट लुसियाविरुद्धको खेलमा एक विकेट लिएका हुन् ।
उनले २५ रन बनाएर खेलिरहेका सेन्ट लुसियाका नाजिबुल्लाह जड्रानलाई आउट गरेका हुन् । सन्दीपले चार ओभर बलिङ गर्दै २३ रन दिएर एक विकेट लिएका थिए ।
क्यारेबियन प्रिमियर लिग (सिपिएल) अन्तर्गत जमैका तल्लावाहले खेलमा आफ्नो विजयी शुरुवात गरेको छ ।
गएराति सम्पन्न खेलमा सेन्ट लुसियालाई ५ विकेटले पराजित गर्दै जमैका तल्लावाहले जित दर्ता गर्यो । सेन्ट लुसियाले दिएको १५९ रनको लक्ष्य पछ्याएको जमैकाले १८.५ ओभरमा ५ विकेट गुमाउदै लक्ष्य पूरा गरेको थियो ।
यस अघि टस हारेर पहिला ब्याटिंग गरेको सेन्ट लुसियाले २० ओभरमा ७ विकेट गुमाउदै १५८ रन बनाएको थियो ।