डम्बर निदाल, डडेल्धुरा – डडेल्धुरा जिल्लाका २ सहित थप १७ जनामा कोरोना पुष्टि भएको छ । डडेल्धुरा जिल्लाको आलिताल गाउँपालिकाका १ र अजयमेरु गाउँपालिकाका १ जनामा कोरोना पुष्टि भएको छ । डडेल्धुरा अस्पतालको कोरोना परीक्षण प्रयोगशालामा बुधवार गरिएको परीक्षणमा सुदूरपश्चिममा थप १७ जनामा कोरोना पुष्टि भएको हो ।
पछिल्लो २४ घण्टामा डडेल्धुरा अस्पतालको प्रयोगशालामा गरीएको ६ सय ५० नमुना मध्ये १७ जनाको नतिजा पोजेटिभ आएको र बाकि ६ सय ३३ नेगेटिभ आएको अस्पतालको कोरोना परीक्षण प्रयोगशालाका इन्चार्ज ईश्वरीप्रसाद भुसालले जानकारी दिए ।
बुधवार अस्पतालवाट सार्वजनिक गरिएको सुचना अनुसार डडेल्धुराका २ , कन्चनपुरका २, कैलालीका १३, जनामा संक्रमण पुष्टि भएको हो ।
डडेल्धुरा जिल्लाको आलिताल गाउँपालिकाका १ एक जना र अजयमेरु गाउँपालिकाका १ जनामा कोरोना पुष्टि भएको छ । त्यसै गरी कन्चनपुरको बेलौरी नगरपालिकाका २ जना, कैलालीको धनगढी उपमहानगरपालिकाका १ जना र कैलालीकै गोदावरी नगरपालिकाका १२ जनामा कोरोना संक्रमण पुष्टि भएको डडेल्धुरा अस्पताल द्धारा सार्वजनिक गरीएको सुचनामा उल्लेख गरीएको छ । 
