काठमाडौं – कोभिड–१९ को बीमा गराउनेको संख्या १० लाख नाघेको छ ।बीमा कम्पनीहरुको नियामक निकाय बीमा समितिले हालसम्म कोराना बीमा गराउनेको संख्या १० लाख नाघेको जानकारी दिएको हो ।
हालसम्म बीमा संस्थानबाट करिब २ लाख सरकारी कर्मचारीहरुको बीमा गरिएको छ । यस्तै, अन्य बिमा कम्पनिहरुबाट ८ लाख ३४ हजार ९ सय ३३ जनाको कोरोना बीमा भएको बीमा समितिले जनाएको छ । अन्य बीमा कम्पनीहरुबाट गरिएको बीमाबाट ४६ करोड ९८ लाख ७९ हजार बढीको बीमा शुल्क आर्जन भएको छ ।
यस अवधिमा ५ सय ९९ जनाले दावी भुक्तानी लिएका छन् । ५ सय ९९ जनाको साढे ५ करोड रुपैयाँ दावी भुक्तानी भएको समितिले जनाएको छ । समितिले १ हजार रुपैयाँमा १ लाखको र ५ सय रुपैयाँमा ५० हजारको कोराना बीमा गर्न सकिने व्यवस्था गरेको छ । परिवारको बिमा गर्न भने ६ सय रुपैँयामा १ लाखको र ५० हजार रुपैयाँको लागि ३ सय रुपैयाँ रकम तिर्नुपर्नेछ । बीमाको अवधि एक वर्षको हुने बताइएको छ ।