काठमाडौँ- नेपालमा थप ८९९ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार हालसम्म संक्रमित हुनेको संख्या ३९४६० पुगेको छ।
आजमात्रै ११ हजार १ सय २९ जनाको पिसिआर गरिएको छ। काठमाडौं उपत्यकामा मात्रै थप २९८ जनामा कोरोना संक्रमण पुष्टि भएको छ ।
यस्तै देशभर सक्रिय संक्रमितको संख्या १७ हजार ८२२ रहेको छ । हालसम्म संक्रमितमध्ये २१ हजार ४१० जना निको भएका छन् ।
संक्रमितहरू सबै स्वास्थ्यकर्मीको सम्पर्कमा रहेको मन्त्रालयले जनाएको छ।
