- डम्बर निदाल
डडेल्धुरा -कोरोना महामारीका कारण स्थानीय प्रशासनले लगाएको आशिंक निषेधाज्ञाको फाईदा उठाउँदै डडेल्धुराका व्यवसायीहरूले तरकारी र फलफूलको मुल्य एकाएक बढाएका छन । ताजा तरकारी उत्पादनमा सुदूरपश्चिमको अग्रणि र व्यवसायिक भनिने डडेल्धुरामा तरकारीको मुल्य अनधिकृत रुपमा आकासिदै गएपछि उपभोक्ताका लागि तरकारी छोई नसक्नु जस्तै भएको छ ।
डडेल्धुरामा अहिले मुख्य तरकारी आलु र प्याज प्रतिकिलो ७० रुपैँया, टमाटर एक सय २०, , बैगन लौका र फर्सी प्रतिकिलो ८०, मूला छ भने हरियो सागहरु पनि साबिक मूल्य भन्दा दोब्बर भन्दा बढि मूल्य बृद्धि हुँदा ब्यवसायीहरुले अत्याधिक फाईदा उठाउन थालेपछि उपभोक्ताहरू मारमा परेका हुन ।
आलु शितभण्डारमा रहेकाले अभाब सिर्जना भएको र तराई लगायत भारतिय बजारबाट पनि आयात रोकिएकाले तरकारी र फलफूलको मुल्य बढ्ेको खुद्रा व्यवसायीको भनाई छ । किसानबाट तरकारी खरिद गर्दा सस्तोमा खरिद गर्ने र खरिद गरेको भन्दा दोब्बर तेव्बर मुल्यमा विक्रिगर्ने गरेकाले तरकारीको मुल्य एकाएक बढेको स्थानिय कृषकहरुको भनाई रहेको छ ।
तरकारीको मुल्य बढ्नुमा बिचौलियाको भूमिका रहेको स्थानियको भनाई छ । सुदूरपश्चिमका बिभिन्न जिल्लामा निर्यात हुने डडेल्धुराको तरकारी निषेधाज्ञाको बेला पनि जिल्लामा अभाब र महंगी हुनु लकडाउनको प्रभाब भन्दा पनि ब्यवसायीहरुले आफु बढी फाईदा लिई बिक्रि गर्ने गर्नाले तरकारी महंगो भएको स्थानिय सुरेन्द्र साउँदले बताए ।
तरकारीको मुल्य लकडाउन अवधीको तुलनामा दोब्बर मात्र नभई डडेल्धुरामा हरेक किसिमका तरकारीको मुल्य पसलै पिच्छै फरक–फरक छ जुन अघिल्लो वर्षको तुलनामा शतप्रतिशत बढी हो ।
अन्य पहाडी जिल्लाबाट आएको तरकारी पनि तराईका जिल्लाबाट व्यापारीहरू आएर बढी पैसा दिएर लैजाने भएका कारण स्थानीय बजारमा अभाब हुनुका साथै महंगी बढेको स्थानिय गोविन्द पाठक को भनाई छ ।
लकडाउन खुकुलो भए पनि बजारको माग अनुसारको उत्पादन जिल्लामा नभएकोले मुल्य बढे सँगै किनेर खाने वर्ग,भाडामा बस्ने र वेरोजगार मानिसलाई समस्या भएको छ । चाडपर्वको बेला दैनिक उपभोग्य बस्तु तरकारीमा भएको महंगीले स्थानीयलाई चिन्तित बनाएको छ ।
लकडाउनका कारण बिक्री हुन नसक्दा गत बैशाखमा कृषकहरूले लगाएको तरकारी खेतबारीमै कुहिएको कारण सोही समस्या दोहोरिने डरले कृषकले तरकारी नलगाउँदा बाहिरबाट ल्याउनु परेकोले तरकारीको मुल्य आकासिएको स्थानीय ब्यवसायीहरुको भनाई छ ।
