काठमाडौं – पूर्वप्रधानमन्त्री एवं जनता समाजवादी पार्टीका नेता डा. बाबुराम भट्टराईले निरन्तरको लकडाउन/निषेधाज्ञाले पचासौं लाख गरिब भोकभोकै पर्ने अवस्था आएको भन्दै आपत्ति प्रकट गरेका छन्।
अनौपचारिक क्षेत्रमा काम गर्ने श्रमिक/मजदुरलाई कि सरकारले तुरुन्तै राहतको व्यवस्था गर्नुपर्ने कि आआफ्ना पेसा/व्यवसाय गर्न दिनुपर्ने उनको माग छ।
आफ्नो फेसबुकमा स्टाटस लेख्दै डा. भट्टराईले यस्तो पनि प्रस्ताव गरेका छन्- ‘आम जनताको जीवन/मरणको यो गम्भीर अवस्था नबुझ्नेहरूको घैंटोमा घाम लगाउन राज्यकोषबाट तलब खाने राष्ट्रपति/प्रधानमन्त्री/मन्त्री/न्यायाधीश/सांसद/कर्मचारी/शिक्षकलगायत सबैको तलबभत्ता पनि रोक्ने हो कि ?’
