डम्बर निदाल
डडेल्धुरा – कोरोना भाइरस (कोभिड–१९) को जोखिम न्यूनीकरण गर्न जारी लकडाउनका कारणले प्रभावित बनेका ज्यालादारीमा काम गर्ने मजदुरलाई राहत वितरण गरिएको छ ।
नेपाली कांग्रेस अमरगढी नगरपालिका नगरसभापति दानबहादुर पालले मंगलबार लकडाउनका कारणले दैनिक गुजारा चलाउन नसक्ने दुई परिवारलाई ३० किलोका दरले चामल उपलब्ध गराएका हुन् ।
गत चैत्र ११ गते देखी देशभर लागु गरीएको लकडाउनका कारण दैनिक मजदुरी गरी खाने,गरिव,अति विपन्न टुहुरा,असाय,अपांग,बेसाहाराआमा बुवा,दैनिक गुजरा चलाउन असमर्थ ब्यक्तिहरुलाई आफूले गत चैत्र २२ गते देखी नै सहयोग गर्दै आइरहेको नगरसभापति पालले बताएका छन् । दैनिक ज्याला मजदुरी गर्न नपाएपछि साँझ बिहान छाकटार्न समस्या परेका अमरगढी नगरपालिका लगायत सुदुरपश्चिमका विभिन्न जिल्लामा पुगि अहिले सम्म लगभग एक हजार परिवारलाई राहत बितरण गरेको जानकारी दिए ।
उहाँका अनुसार राहतमा अबस्था हेरी खाधान्न सामग्रीका साथै स्वास्थ्य सामग्री, लुगाकपडा लगायत नगद समेत दिएको बताउनु भयो । यसै गरी गत जेठ १० गते भारत वाट आई अमरगढी नगरपालिकाका ११ वडाका बिभिन्न क्वारेनटाईनमा बस्नु भएका ५०१ जना लाई खाजा समेत खुवाएको बताए ।
यसका साथै बिभिन्न मठमन्दिर बनाउन र मंगलवार मात्रै अमरगढी—९ मा रहेको मुसानी मन्दिर निर्माणका लागी राहत स्वरुप नगद ५ हजार १ सय ५१ रुपैया सोही मन्दिरका ( धामी ) राज बहादुर लुहार लाई दिएका छन् । यसै गरी मंगलवार अमरगढी वडा नं ८ का टेक बहादुर साँकी र गिता देवी साँकी लगायत दुबै परिवार लाई राहत स्वरुप ३० किलो चामल उपलब्ध गराएकोे बताएका छन् । घरमा श्रीमती र एक छोरासहित ३ जनाको परिवार रहेका साँकीको बस्नलाई घर समेत छैन । यस्ता किसमका कार्यमा आफनो प्रयास निरन्तर रहने समेत सभापति पालले बताए ।
