काठमाडौं – निषेधाज्ञा खुकुलो भएसँगै काठमाडौं उपत्यकामा चहलपहल बढेको छ । प्रशासनले निषेधाज्ञालाई खुकुलो गरेसंगै उपत्यकामा चहलपहल ह्वात्तै बढेको हो।
निजी तथा सार्वजनिक सवारीसाधनमा भने जोर-विजोर प्रणाली लागू गरेको छ । बजार, कलकारखाना, उद्योग तथा व्यवसाय चलायमान हुन थालेका छन् ।
काठमाडौं उपत्यकाका तीन जिल्ला प्रशासन कार्यालयले बिहीबारदेखि निषेधाज्ञा खुकुलो बनाउने निर्णय गरेपछि उपत्यकामा सवारीसाधनको चाप बढेको छ।
प्रशासनले भदौ ४ गते देखि उपत्यकामा निषेधाज्ञा लगाएको थियो। सार्वजनिक यातायातको हकमा भने ट्याक्सी तथा १६ सिट क्षमताभन्दा माथिका सवारीसाधन मात्रै चल्न दिएको छ।
निषेधाज्ञामा केही हेरफेर गरी खुकुलो बनाएसंगै जोखिम भने बढेको छ। अब आफैँ सचेत हुनुको विकल्प छैन ‘स्वास्थ्य मापदण्ड पूर्ण पालना गरेर सावधानी अपनाउने हो भने सङ्क्रमण रोक्न सकिन्छ।
