डडेल्धुराको रंगुन नदीमा एक युवकको शव फेला

डम्बर निदाल
डडेल्धुरा – डडेल्धुरा जिल्लाको भित्रिमधेश क्षेत्र जोगबुढाको रंगुन नदीमा एक युवकको शव फेला परेको छ । परशुराम नगरपालिका–६ सिमलखेल स्थित रंगुन नदीमा बिहिवार शव फेला परेको हो । शवको सनाखत हुन सकेको छैन ।
बिहिवार बिहान ११ बजे तिर अन्दाजी ३२-३३ बर्षिय युवकको शव फेला परेको जिल्ला प्रहरी कार्यालय डडेल्धुराले जनाएको छ ।
अन्दाजी ५ फिट ६ ईन्च उचाई, पहेलो, सेतोखैरो धर्का भएको सट, हरियो रंगको गन्जी,निलो रंगको कटटु लगाएको अवस्थामा वेवारिसे शव फेला परेको प्रहरीले बताएको छ ।
ईलाका प्रहरी कार्यालय जोगबुढाको टोली घटना स्थल पुगेको र प्रहरी घटना स्थल पुगे पछि मुचुल्का उठाएको छ । शवको पहिचान हुन नसकेको प्रहरी जनाएको छ ।
शव जोगबुढा अस्पतालको लाश घरमा राखिएको समेत प्रहरीले बताएको छ ।