डम्बर निदाल
डडेल्धुरा – डोटीको पूर्वीचौकीमा जिप दुर्घटना हुँदा १२ जना घाइते भएका छन । डोटीको पूर्वीचौकि गाउँपालिका–१ शान्तिनगर भन्ने ठाउँमा जिप दुर्घटना भएको हो ।
धनगढीबाट अछामका लागि छुटेको से १ ज १०६६ नम्बरको जिप शुक्रबार बिहान दुर्घटना भएको डोटी प्रहरीले जनाएको छ । भारत वाट फर्किएकाहरुलाई लगेर अछाम जादै गरेको जिप दुर्घटनामा परेको हो ।
दुर्घटनामा घाइते सबैको जिल्ला अस्पताल डोटीमा उपचार भइरहेको प्रहरी नायव उपरीक्षक इन्द्रबहादुर मल्लले जानकारी दिए । सडकमा घुम्तिका कारण जिप दुर्घटनाको भएको प्रारम्भिक अनुमान गरिएको उनले बताए ।
दुर्घटनामा परि अछामको मेल्लेख गाउँपालिकाका दानी टमटा, रूपबहादुर खड्का, राजेन्द्र बम, धनबहादुर शाह, नरबहादुर रावल, कमला खड्का, दानसिँह टमटा, सपना टमटा, मनसारा टमटा, संकर टमटा, पारस टमटा घाईते भएको डिएसपी मल्लले बताए ।
घाइते मध्ये दानसिंह टमटाको अवस्था गम्भीर रहेको छ । जिपमा १४ जना सवार रहेको बुझिएको छ । चालक सम्पर्क बिहिन भएकाले उनको खोजी कार्य भैईरहेको प्रहरीले जनाएको छ । जिप सडक वाट सय मिटर तल खसेको बताए ।
