डम्बर निदाल
डडेल्धुरा – डडेल्धुरा बगरपाटाका एकजना व्यवसायीमा आईतबार कोरोना संक्रमण भेटिएपछि सदरमुकाम बजारका केही पसल सिल गरिएको छ । खेमराज पनेरुको घरदेखि लोकेन्द्र गुरुङको घरसम्मको बजार क्षेत्रलाई सिल गरिएको अमरगढी नगरपालिका वडा नं. ५ को कार्यालयले जनाएको छ ।
अर्को सुचना जारी नभएसम्मका लागि आईतबारदेखि अनिश्चित समयका लागि उक्त क्षेत्रमा पर्ने व्यापार व्यवसाय तथा बैक बित्तिय संस्था जस्ता कार्यालयहरु समेत बन्द रहने गरि सिल गरिएको वडा नं. ५ का अध्यक्ष खेमराज पाठकले जानकारी दिएका छन् ।
डडेल्धुरा बगरपाटामा व्यवसाय गरिरहेका एक व्यापारीमा आईतबार कोरोना संक्रमण भएको पुष्टि भएको थियो ।
अमरगढी नगरपालिका ५ घर भएका ६८ वर्षीय बृद्धमा कोरोना संक्रमण भेटिएको अमरगढी नगरपालिका स्वास्थ्य शाखा प्रमुख गणेश बिष्टले बताएका छन् ।
शनिबार आफै रकम तिरेर स्वाब दिएका उनको रिर्पोट आईतबार डडेल्धुरा अस्पतालमा रहेको कोरोना परिक्षण प्रयोगशालामा जाँच गर्दा पोजेटिभ भेटिएको जिल्ला स्वास्थ्य कार्यालय डडेल्धुराले जनाएको छ । उनि केही दिन अघि महेन्द्रनगर वाट आएको बताईएको छ ।
संक्रमित वृद्धलाई आफ्नै घरमा होम आइसोलेसनमा राखिएको छ । उनीसँगै उनको छोरीको पनि पिसिआर जाँच गरिएको थियो । छोरीको रिपोर्ट भने नेगेटिभ आएको छ । संक्रमित वृद्धको स्वास्थ्य अवस्था सामान्य रहेको जनाएको छ ।