चावहिल – चुच्चेपाटीमा अवस्थित रहेको मनास्लु वर्ल्ड कलेजले शैक्षिक सत्र २०७७/०७८ को कक्षा ११ मा अध्ययन गर्न चाहने विधार्थीहरुको लागि अनलाइनको माध्यमबाट प्रवेश परीक्षा असोज ३ गते शनिवारका दिन सञ्चालन गर्ने भएको छ।
स्थापनको छोटो समयमा नै निकै चर्चा बटुलेको उक्त कलेजमा असोज ३ गते विहान विभिन्न समयमा प्रवेश परीक्षा हुन लागेको हो।
प्रवेश परीक्षा अनलाइनको माध्यमबाट हुने कलेजका प्रिन्सिपल राजन श्रेष्ठले बताए । त्यसका लागि विज्ञान संकाय अध्ययन गर्न चाहने विधार्थीहरुले विहान ११:०० बजेदेखि १२:३० सम्म, व्यवस्थापन, मानविकी तथा कानुनी संकाय अध्ययन गर्न चाहने लागि दिउँसो १:०० बजेदेखि २:३० बजेसम्म समय छुट्याइएको छ।
उक्त विभिन्न संकायमा हुने प्रवेश परीक्षामा पास भएका मध्ये उत्कृष्ट १०० जना विधार्थीहरुको लागि छात्रवृत्ति प्रदान गर्ने मनास्लु वर्ल्ड कलेजका अध्यक्ष गेन्द्र लामाले बताए।
