डम्बर निदाल
डडेल्धुरा – कोरोना भाइरस (कोभिड–१९) को जोखिम न्यूनीकरण गर्न जारी लकडाउनका कारणले प्रभावित बनेका ज्यालादारीमा काम गर्ने तथा बिभिन्न समस्यामा पर्दै आएका लाई राहत वितरण गरिएको छ ।
नेपाली कांग्रेस डडेल्धुरा अमरगढी नगरसभापति दानबहादुर पालले समाजमा बिभिन्न समस्याका कारणले दैनिक गुजारा चलाउन नसक्ने केही परिवारलाई राहत स्वरुप चामल उपलब्ध गराएका हुन् ।
डडेल्धुरा जिल्ला अमरगढी नगरपालिका—८ लटाउली डकले निवासी शेर बहादुर साँकीको परिवारलाई राहत स्वरुप खाघान्न सामग्रीमा ५० किलो चामल उपलब्ध गराएका छन्् । साँकीको परिवारको अबस्था एकदमै दयनिय रहेको साथै निजका बुवाको निधन भएकोले किरियामा रहेका साँकी परिवार लाई केही हद सम्म सहयोग पुगोस भनि आफुले सहयोग गरेको सभापति पालले बताए ।
यसैगरी अमरगढी नगरपालिका—१० बिजोडा निवासी मोहन बहादुर बिष्टको २८ बर्षकै उमेरमा अल्पायुमै निधन भएकाले उनको परिवारको अबस्था दयनिय रहेकाले निजका परिवारलाई राहत स्वरुप अमरगढी नगरपालिका—१०का वडा सदस्य प्रेम बहादुर बिष्ट मार्फत नगद .२५०० उपलब्ध गराएको सभापति पालले बताए ।
कोरोना भाईरसका कारण प्रभावित भएका अमरगढी नगरपालिका—९ को चमालेक निवासी दलितबस्तीमा रहेका दैनिक गुजरा चलाउन नसक्ने ११ दलित परिवार लाई जनहि १० किलोका दरले चामल उपलब्ध गरेका छन् । आगामी दिनमा पनि यस्ता किसिमका सामाजिक काममा आफनो प्रयास निरन्तर जारी रहने समेत उनले बताए ।
लामो समय देखी सामाजिक कार्यमा निकैनै सहयोग गर्दै आएका सभापति पालले सुदुपश्चिमका बिभिन्न जिल्लामा पुगि अबस्था हेरी खाघान्न सामग्री,स्वास्थ्य सामग्री,लुगाकपडा लगायत नगद समेत दिई सहयोग गर्दै आएको बताए ।