काठमाडौँ- नेपालमा थप १४९७ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार हालसम्म संक्रमित हुनेको संख्या ६९३२३ पुगेको छ।
पछिल्लो २४ घण्टामा ११४४९ जनाको कोरोना परिक्षण गरिएको छ।
यस्तै काठमाडौं उपत्यकामा थप ७५५ जनामा कोरोना संक्रमण पुष्टि भएको छ ।
त्यस्तै आजै थप ४५७ जना कोरोना संक्रमित डिस्चार्ज भएका छन्। योसंगै कोरोना भाइरस निको भएर घर फर्किनेको संख्या पुगेको ५०४११ छ। पछिल्लो समय नेपालमा कोरोना संक्रमितको संख्या तिब्र रुपमा बढिरहेको छ।
