काठमाडौँ – नेपाल क्रिकेट संघ(क्यान)ले गत असोज ६ गते चितवनमा बसेको बैठकले खेलाडी वर्गिकरण गर्दै उनीहरुलाई श्रेणी अनुसार मासिक तलब दिने निर्णय गरेको थियो। तर उक्त निर्णय गरेको दश दिन बित्न नपाउँदै बिहीबार क्यानले एक सुचना जारी गरी पुन: खेलाडी बर्गिकरण हुने जनाएको छ।
यसअघि गरिएको बर्गिकरणमा केही महत्वपूर्ण खेलाडीहरु छुटेको र बर्गिकरण न्यायोचित नभएको गुनासो आएपछि नयाँ बर्गिकरण गरिने भएको हो।
क्यानले कोषाध्यक्ष रोसन सिंहको बर्गिकरण समितिलाई नयाँ बर्गिकरणसहितको प्रतिवेदन बोर्ड बैठकमा प्रस्तुत गर्न भनेको छ।
