रजस्वला (महिनावारी) को समयमा धेरै किशोरी तथा महिलाको तल्लो पेट र ढाड दुख्ने समस्या हुन्छ । यहि समस्याका कारण रजस्वला भएको समयमा महिलाहरु आफ्नो दैनिक काम समेत सहज रुपमा गर्न सक्दैनन् ।
रजस्वला हुँदा प्रत्येक मासिक चक्रभन्दा अगाडि रागरस अर्थात हर्मोनको मात्रामा आउने परिवर्तनले पाठेघरको भित्री तहमा सुक्ष्म रक्त नलीहरुमा फैलन बन्द हुन्छ । जसले गर्दा पाठेघरको भित्री तहमा बनेको बाक्लो र नरम तह फुट्न गइ महिलामा रजस्वला हुन्छ ।
रजस्वला हुँदा हुने समस्या
– तल्लो पेट दुख्ने,
– ढाड दुख्ने,
– स्तन कडा हुने,
– दुख्ने कब्जियत हुने,
– थकित महसुस हुने,
– मांसपेशीहरु दुख्ने,
– अनुहारमा डन्डीफोर आउँने,
– खान मन नलाग्ने,
– मानसिक तनाव बढ्ने ।
रजस्वलाको समयमा यस्ता समस्या देखिएमा घरेलु उपायबाट पनि समस्यालाई कम गर्न सकिन्छ ।
रजस्वला हुँदा पेट दुखे यस्तो गर्नुस्
– तल्लो पेटमा हलुकासँग मालिस गर्दा कडा मांसपेशी नरम हुन्छ,
– तातो पानी रबरको थैली वा बोतलमा राखेर सक्ने,
– ऐंसेलुको पात र अदुवाको धूलो राखेको तातो चिया वा पानी पिउने,
– अत्यधिक रक्तस्राव भएका स्वास्थ्यकर्मीको परामर्शमा औषधि सेवन गर्ने,
– रजस्वलाको समयमा महिलाहरुमा मानसिक चिन्ता, तनावको समस्या आउँन सक्छ,
– कमजोर महसुस भएका आराम पनि गर्नुपर्छ,
– आफूलाई असहज लाग्ने काम गर्नुहुँदैन,
– रजस्वला प्राकृतिक अवस्था भएकाले रजस्वलाको समयमा हुने चिन्ता हटाउन नियमित योगा, प्राणायाम तथा व्यायाम गर्नुपर्छ ।
रजस्वलाको समयमा अत्यधिक रक्तस्राव बाहेका अन्य लक्षणहरु सामान्य हुन् ।
