काठमाडौँ – जम्मू–कास्मिरको सीमा क्षेत्रमा पाकिस्तानले फायरिङ गर्दा अलग–अलग स्थानमा भारतीय सेनाका तीन जवानको मृत्यु भएको छ भने ५ जना घाइते भएका छन् । कास्मिरको कुपवान्डा जिल्लास्थित नौगाम सेक्टरमा दुई तथा पुन्छ सेक्टरमा एकजनाको मृत्यु भएको हो । त्यस्तै कुवान्डामा चार र पुन्छमा एक जना घाइते भएका छन् ।
भारतीय सैनिक स्रोतकाअनुसार अहिले भारतले जवाफी कारबाही थालेको छ । पाकिस्तानतर्फ कति जनाको मृत्यु भयो भन्ने विषय खुलेको छैन । पछिल्ला आठ महिनामा पाकिस्तानले सीमा क्षेत्रमा ३ हजारभन्दा धेरैपटक युद्धविराम उल्लंघन गरेको भारतीय सञ्चारमाध्यमहरुले जनाएका छन् ।
