काठमाडौँ – इण्डियन्स प्रिमियर लिग (आइपिएल) अन्तर्गत दिल्ली क्यापिटल्सले कोलकोता नाइटराइडर्सलाई १८ रनले पराजित गरेको छ ।
गएराती सम्पन्न खेलमा दिल्लीले दिएको २२९ रनको लक्ष्य पछाएको कोलकोताले २० ओभरमा ८ विकेट गुमाउदै २१० रन बनाएपछि खेल १८ रनले हारेको हो ।
कोलकोताका लागि नितिश रानाले सर्बाधिक ५८ रन बनाए भने इयोन मोर्गनले ४४ रन बनाए । त्यस्तौ सुभमन गीलले २८ रन बनाए भने राहुल त्रिपाठीले १६ बलमा ३६ रन बनाएका थिए । त्यस्तै आन्द्रे रसेलले १३, सुनिल नारनले ३, कप्तान दिनेश कार्तिकले ६ र पाट कमिन्सले ५ रन बनाए ।
त्यस्तै दिल्लीका बलर एनरीच नोर्त्जेले ३ विकेट लिए भने हर्षल पटेलले २ विकेट लिए । त्यस्तै कागीसो रबाडा, मार्कोस स्टोइनिस र अमित मिश्राले एक-एक विकेट लिए ।
यस अघि टस हारेर पहिला ब्याटिंग गरेको दिल्लीले २० ओभरमा ४ विकेट गुमाउदै २२८ रन बनाएको थियो ।
त्यसैगरी दिल्लीका लागि कप्तान श्रेयस अय्यरले ३८ बलमा ७ चौका र ६ छक्का प्रहार गर्दै अविजित ८८ रन बनाएका थिए ।
त्यस्तै पृथ्वी शाले ४१ बलमा ६६ रन बनाएर आउट भए भने शिखर धवनले २६ र रिषव पन्तले १७ बलमा ३८ रन बनाएर आउट भए । त्यस्तै मार्कोस स्टोइनिसले १ रन बनाए भने शिमरन हेटमेयरले अविजित ७ रन बनाए ।
त्यस्तै कोलकोताका बलर आन्द्रे रसेलले २ विकेट लिए भने वरुण चक्रवर्ती र कमलेस नगरकोटीले एक एक विकेट लिए ।
योजितपछि दिल्लीले ४ खेलमा ३ जित र एक हार बेहोरेको छ भने कोलकोताले ४ खेलमा २ जित र २ हार बेहोरेको छ ।
आज पनि आइपिएलमा दुई खेल हुने छ । आज पहिलो खेल मुम्बई इण्डियन्स र सनराइजर्स हैदरावादबीच हुने छ भने दोस्रो खेल किंग्स इलेभेन पञ्जाब र चेन्नई सुपरकिंग्सबीच हुने छ ।
