काठमाडौँ – जल तथा मौसम पूर्वानुमान महाशाखाले आज मौसममा बदली भई देशका केही स्थानमा पानी पर्ने सम्भावना रहेको जनाएको छ ।
प्रदेश १, प्रदेश २ र बाग्मती प्रदेशमा सामान्य बदली र बाँकी प्रदेशहरुमा आंशिक बदली रहने महाशाखाले जनाएको छ । प्रदेश १, प्रदेश २ र बाग्मती प्रदेशका केहि स्थानहरूमा र गण्डकी प्रदेशको एक–दुई स्थानमा हल्का वर्षाको सम्भावना रहेको मौसमविदले बताएका छन् ।
आजराति प्रदेश १, प्रदेश २, बागमती प्रदेश र गण्डकी प्रदेशमा सामान्य बदली र बाँकी प्रदेशहमा आंशिक बदली रहनेछ । प्रदेश १ र प्रदेश २ का केहि स्थानहरूमा र बाग्मती र गण्डकी प्रदेशका एक–दुई स्थानमा हल्का वर्षाको सम्भावना रहेको छ ।
अहिले बिहान प्रदेश १, प्रदेश २ र बाग्मती प्रदेशमा सामान्य बदली रही प्रदेश १ का केहि स्थानहरुमा हल्का वर्षा भएको महाशाखाले जनाएको छ ।
गण्डकी प्रदेश, प्रदेश ५, कर्णाली प्रदेश र सुदूरपश्चिम प्रदेशमा आंशिक बदली रहेको छ । हाल बंगालको खाडीको उत्तर–पश्चिम भागमा रहेको न्युन चापीय क्षेत्रको प्रभाव पूर्वी नेपालमा रहेको महाशाखाले जनाएको छ ।००००
