डम्बर निदाल
डडेल्धुरा – अमरगढी नगरपालिकाको एक वडामा तालाबन्दी गरीएको छ ।
लक्षित वर्गको रकम पहुचवालाको हातमा पुगेको भन्दै अमरगढी नगरपालिका–१ को कार्यालयमा ताला बन्दि गरिएको हो ।
अमरगढी नगरपालिकामा लक्षित वर्गको योजना पहुँचवालाको हातमा परे पछि स्थानिय आन्दोलित भएका छन् । अमरगढी–१ मालमको समैजी सार्की टोलका लागि वडा कार्यालयले बाख्रापालनका लागि थोरै रकम विनियोजन गरेको थियो । स्थानियले सोमवार एक बिज्ञप्ती जारी गर्दै लक्षित वर्गका लागी आएको रकम पहँचवालाको हातमा परेको भन्दै यस बिषयको छानबिन हुनुपर्ने भन्दै तालाबन्दी गरेका हुन ।
वडाले विनियोजन गरेको एक लाख रकम गाउँका टाठाबाठाहरुले किर्ते हस्ताक्षर गर्दै ३० हजार रुपैया पेश्की बुझेको स्थानियले आरोप लगाएका छन । बाँकी ७० हजार रुपैया भुक्तानीका लागि नगरपालिकामा सिफारिस गरिएको छ । लक्षित वर्गको रकम पहुँचवालाको हातमा परेको घटनाले लक्षित वर्गका स्थानीय आक्रोसित भएका हुन ।
स्थानीयका अनुसार ३० घरधुरी दलित वर्ग लक्षितका लागि एक लाखमा बिनियोजन गरिएको थियो । उक्त रकम दलितकै प्रतिनिधित्व गर्ने ब्यक्ति लगायत उनि संगै केहि पहुँचवालासमूहको हातमा मापदण्ड बिपरित रकम निकासाका लागी परेको घटनाले स्थानीय वास्तविक दलितवर्ग शोषणमा परेको उनीहरुको गुनासो रहेको छ । 
