डम्बर निदाल
डडेल्धुरा – अमरगढी नगर प्रमुख (मेयर) होम क्वारेन्टिनमा बसेका छन् ।
बुधबार अमरगढी नगरपालिकामा कार्यरत एक जना कर्मचारीमा कोरोना संक्रमण पुष्टि भएपछि अमरगढी नगरपालिकाका नगर प्रमुख विशेश्वर प्रसाद ओझा होम क्वारेन्टिनमा बसेका हुन् ।
अमरगढी नगरपालिकाको कोभिड—१९ रोकथाम तथा नियन्त्रणका लागी गठित स्थानिय निर्देशक तथा सहजीकरण समितिको आकस्मीक बैठक को निर्णय अनुसार बुधवार एक सुचना जारी गर्दै यस नगरपालिका कार्यालय र मातहतका कार्यालय वाट प्रदान गरीने आकस्मीक सेवा बाहेक सम्पुर्ण सेवाहरु अर्को सुचना नभएसम्मका लागी बन्द गरीएको अमरगढी नगरपालिकाले जनाएको छ । नगरपालिकामा कार्यरत स्वास्थ्य शाखा प्रमुखलाई नै कोरोना संक्रमण देखिएपछि अर्को निर्णय नहुँदासम्म नगरपालिका सिल गर्ने निर्णय भएको हो ।
कर्मचारीमा कोरोना संक्रमण पुष्टि भएपछि नगर प्रमुख विशेश्वर प्रसाद ओझा होम क्वारेन्टिनमा बसेका छन् । असोज २३ गते शुक्रवार नगरपालिकाका सवै कर्मचारी तथा जनप्रतिनिधीहरुको स्वाब संकलन गर्ने तयारी भएको स्वाब संकलनको रिर्पोट नआँउदा सम्म सम्पुर्ण भेटघाट तथा अन्य सामाजिक कामहरु पूर्ण रुपमा बन्द गरी होम क्वारेन्टिनमा बसेको नगर प्रमुख ओझाले जानकारी दिएका छन् ।
कोरोना संक्रमित व्यक्तिसंग भेटघाट भएका व्यक्ति तथा कर्मचारीहरु सवै जनाको स्वाब परीक्षण गरिने भएकोले सवैले स्वाब परीक्षण हुँदा सम्म र स्वाबको नतिजा नआउन्जेलसम्म होम क्वारेन्टिनमा बसी सहयोग गर्नुहुन अनुरोध समेत गर्नु भएको छ ।
