काठमाडौं – साझा पार्टीले ३७ जना केन्द्रीय सदस्य थप गरेको छ । बिहीबार साझा पार्टीका संयोजक रवीन्द्र मिश्रले प्रेस विज्ञप्ति जारी गर्दै साझाका सातै प्रदेशका गरी युवा संगठनबाट ३७ जना केन्द्रीय सदस्य थप गरिएको उल्लेख गरेका छन् । अब साझा पार्टीमा ६५ जना केन्द्रीय सदस्य बनेका छन् ।
गत फागुनमा लुम्बिनीमा भएको पार्टी भेलाले केन्द्रीय समिति पुनर्गठन गर्ने निर्णय गरेको थियो । अहिले उक्त निर्णय कार्यान्वयनमा ल्याइएको विज्ञप्तिमा उल्लेख गरिएको छ । थप गरिएका केन्द्रीय सदस्यमा १० जना महिला समेत रहेका छन् । साझाले केन्द्रीय समिति पुनर्गठनसँगै विचार र उद्देश्य समान भएका राजनीतिक पार्टीलगायतसँग एकीकरण तथा ध्रुवीकरणको प्रक्रिया पनि सुरू गरेको जनाएको छ ।
आज थपिएका केन्द्रीय सदस्यहरुमा महेन्द्र थापा, अमलेश कर्ण, धनपति महतो, सुमनकुमार मिश्रा, दिव्येश गिरी, मुरली मनोहर मिश्र, अनुपा श्रेष्ठ, पुष्पा सापकोटा, सुरज प्रधान, प्रदिप थापा, भुपेन्द्र बस्नेत, अमृत पुडासैनी, दीपक पौडेल, हरिप्रसाद गौतम, अर्जुनप्रसाद खनाल, नवराज थापा, हरिकृष्ण अधिकारी, इन्दिरा वाग्ले शर्मा, मधुसुदन केसी, केशबबहादुर मल्ल, सुशील राज देबकोटा, घनश्याम विश्वकर्मा, पवन मल्ल, संगीता श्रेष्ठ, लक्ष्मी शाही, दुज्जी चौधरी, घनबहादुर शाह, सरोज गौतम, प्रकाश आचार्य, पवित्र थापा, सस्मित पोखरेल, संजय बराल, आशिष रेग्मी, दिपक उप्रेती, विणा शाह, शारदा रिजाल र लक्ष्मी घिमिरे केन्द्रीय सदस्य भएका हुन् ।
