काठमाडौं – नेपाली बजारमा सुनको मूल्य बढेको छ । आइतबार सुनको मूल्य तोलामा ८ सय रुपैयाँले बढेर छापावाला सुन प्रतितोला ९५ हजार ६ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । शुक्रबार छापावाला सुन प्रतितोला ९४ हजार आठ सय रुपैयाँ रहेको थियो ।
तेजावी सुन प्रतितोला ९५ हजार एक सय रुपैयाँ रहेको छ । चाँदी एक हजार दुई सय ३५ रुपैयाँमा कारोबार भइरहेको महासंघले जनाएको छ ।
