काठमाडौं – सरकारले कात्तिक मसान्तसम्म अन्तराष्ट्रिय सीमा नाका बन्द गर्ने निर्णय गरेको छ । सोमबार बसेको मन्त्रिपरिषद् बैठकले कोरोना भाइरसको संक्रमण बढ्दै गइरहेकाले अन्तर्राष्ट्रिय सीमा नाका थप एक महिना बन्द गर्ने निर्णय गरेको हो ।
यस्तै मन्त्रिपरिषद्को बैठकले आन्तरिक यातायात र व्यवसाय सञ्चालनमा भने केही खुकुलो बनाएको छ । लामो दूरीका यातायातका साधनमा सिट क्षमताअनुसार नै यात्रु राख्न पाउने निर्णय पनि बैठकले गरेको बताइएको छ । अहिले छोटो तथा लामो दुरीमा चल्ने सार्वजनिक सवारीले आधा यात्रु मात्र चढाउने गरेका थिए।
त्यस्तै मन्त्रिपरिषद्को बैठकले कोरोनाको संक्रमण बढ्दै गइरहेकाले दशैं तिहार जस्ता चाडपर्व यथास्थानमा मनाउन सर्वसाधारणलाई अपिल समेत गरेको छ ।
