काठमाडौं – इन्डियन प्रिमियर लिग (आईपीएल) टी-ट्वान्टी क्रिकेट अन्तर्गत आज सनराइजर्स हैदरावादले चेन्नई सुपर किङ्ससँग प्रतिस्पर्धा गर्दै छ ।
दुबई अन्तर्राष्ट्रिय क्रिकेट मैदानमा हुने दुई टोलीबीचको खेल नेपाली समयअनुसार साँझ ७:४५ मा सुरु हुनेछ । आजको खेलमा जित निकाल्दै हैदरावाद लिगमा आफूलाई बलियो बनाउने योजनामा छ । लिगमा ७ खेल खेलेको हैदरावाद तीन खेलमा जित निकाल्दै ६ अंक जोडेको छ । हैदरावाद तालिकाको पाँचौं स्थानमा छ ।
डेबिड वार्नरको कप्तानीमा रहेको हैदरावादलाई आजको खेलमा सहज जितको अपेक्षा हुनेछ । किनभने लिगमा आफूलाई बलियो बनाई राख्न हैदरावादलाई आजको खेलमा जित आवश्यक छ ।
यता चेन्नईलाई आजको खेलमा जित निकाल्नैपर्नै दबाब छ । चेन्नई लिगमा ७ खेल खेल्दै ४ अंकका साथ तालिकाको सातौं स्थानमा छ । चेन्नईलाई अघिल्लो चरण प्रवेशका लागि सम्भावना जोगाइ राख्न आजको खेलमा जित निकाल्नै पर्ने दबाब छ ।
