काठमाडौँ – प्रधानमन्त्री केपी शर्मा ओलीले नवनियुक्त मन्त्रीहरूलाई नमूना बन्नेगरी काम गर्न निर्देशन दिएका छन् । बिहीवार साँझ बसेको मन्त्रिपरिषद बैठकमा प्रधानमन्त्री ओलीले यस्तो निर्देशन दिएका हुन् ।
‘तपाईंहरूले नमूना बन्ने गरी काम गर्नुहोस्, मलाई तपाईहरूप्रति ठूलो आशा छ,’ प्रधानमन्त्री ओलीको भनाइ उदृत गर्दै एक मन्त्रीले लोकान्तरलाई भने ।
मन्त्रिमण्डल पुनर्गठनपछि पहिलोपटक बसेको मन्त्रिपरिषद बैठकमा ओलीले नवनियुक्त मन्त्रीहरूलाई बधाइ दिए । ओलीले समृद्ध नेपाल र सुखी नेपालीको आकांक्षा पूरा गर्न सबै मिलिजुली अघि बढ्नुको विकल्प नभएकोसमेत मन्त्रीहरूलाई ब्रिफिङ गरेका थिए ।
बुधवार भएको मन्त्रीमण्डल पुनर्गठनमा अर्थमन्त्रीका रूपमा नेकपाका महासचिव विष्णु पौडेल भित्रिएका छन् भने शहरी विकासमन्त्रीका रूपमा कृष्णगोपाल श्रेष्ठ आएका छन् । त्यस्तै महिलामन्त्री पार्वत गुरुङलाई सञ्चारको जिम्मेवारी दिइएको छ ।
महिलामन्त्रीको जिम्मेवारी लिला श्रेष्ठले पाएका छन् । उपप्रधानमन्त्रीसमेत रहेका रक्षामन्त्री ईश्वर पोखरेललाई रक्षाबाट प्रधानमन्त्री तथा मन्त्रिपरिषद कार्यालयमा तानिएको छ ।
