डम्बर निदाल
डडेल्धुरा – डडेल्धुरा अस्पतालको प्रयोगशालामा गरीएको परिक्षणमा डडेल्धुराका ६ सहित सुदुरपश्चिम प्रदेशमा थप ९ जनामा कोरोना संक्रमण पुष्टि भएको छ । पछिल्लो २४ घण्टामा १ सय ६२ नमुनाहरु परिक्षण भएको जसमध्ये ९ जनामा कोरोना संक्रमण पुष्टि भएकोे र १ सय ५३ नमुना नेगेटिभ आएको अस्पतालले जनाएको छ ।
डडेल्धुरा अस्पताल प्रयोगशाला इन्चार्ज ईश्वरी प्रसाद भूषालले डडेल्धुराका ६ जना र दार्चुलाका ३ जना कोरोना संक्रमण पुष्टि भएको जानकारी दिए ।
शुक्रवार अस्पतालले सार्वजनिक गरेको सुचना अनुसार डडेल्धुराको जिल्ला प्रहरी कार्यालय डडेल्धुराका २ जना,अमरगढी नगरपालिका —३,५र ८ का ३ जनामा र डडेल्धुराकै आलिताल गाउँपालिका—५ का १ जनामा कोरोना पुष्टि भएको छ । त्यसै गरी दार्चुला जिल्लाको महाकाली नगरपालिकाका ३ जनामा कोरोना संक्रमण पुष्टि भएको सुचनामा उल्लेख गरीएको छ ।
