डम्बर निदाल
डडेल्धुरा – सडक किनारमा प्लाष्टिक भित्र गुजरा गरिरहेका अपाङ्गता भएका छोरा र जेष्ठ नागरिक आमालाई डडेल्धुराका एक युवाले टेण्ड लगाई दिएका छन । जिल्लाको भित्रिमधेश जोगबुडा क्षेत्र आलिताल गाउँपालिका र परशुराम नगरपालिकाको सिमानामा प्लाष्टिक बेरेर जिवन निर्वाह गरिरहेका लाई डडेल्धुरा जिल्ला अमरगढी नगरपालिका—५का स्थानिय गणेश थापा मगरले टेण्ट लगाई सहयोग गरेका हुन् । नौ बर्ष पहिले भिर बाट लडेर अपाङ्ग भएका परशुराम नगरपालिका–१ का जय बहादुर बाग लाई उनि बस्ने ठाउँमै पुगि सहयोग गरेका छन् । भिर वाट लडेर अपाङ्ग भए पछि उनको साथी ह्लिचियर बनेको छ ।
उनले बसोवास गर्ने मालतोला गाउँ रंगुन खोला पारि छ । बुडर–जोगबुढा सडक क्षेत्रको आलिताल गाउँपालिका र परशुराम नगरपालिकाको सिमाना नजिकको क्षेत्रमा यो गाउँ पर्छ । रंगुन खोला तर्न झोलुङ्गे पुल छ । ह्विचियरले साथ दिएका जय लाई घर जान सक्ने सम्भावना निकै कम छ ।
अपांङ्ग भए पछि उनका दाईले उनलाई पालन पोषण गर्न नसक्ने बताए पछि उनि अहिले सडक किनारमा छन । उनि संगै उनको रेखदेख गर्न साथमा ८५ बर्षिया आमा पनि छन ।
परशुराम नगरपालिकाको सिमा आरम्भ हुने स्थानमा पक्कि गेट छ । गेटको छेउमै कालो प्लाष्टिकले बेरेर सानो झुप्रो बनाईएको छ । त्यही झुप्रोमा जय बहादुर र उनकी बृद्धा आमा जशुदेविको वास हुन्थ्यो ।
त्यहि प्लाष्टिकको झुप्रो लाई अमरगढी नगरपालिका–५ खलङ्गाका स्थानिय गणेश थापा मगरको अगुवाईमा टेण्ड लगाईएको छ । उनले केही दिन अघि फेसबुकमा सहयोगका लागी भन्दै पोष्ट गरेका थिए । उनको सहयोगमा सयौ युवा जोडिएका छन । मगरले २४ घण्टा सम्म सहयोगका लागी अपिल गरेका थिए ।
फेसबुक स्टाटसका आधारमा विदेश बाट समेत रकम प्राप्त भए पछि टेण्ड बनाईएको उनले बताए । पहिलो चरणमा २८ हजारको टेण्ड संगै लत्ताकपडा र खाद्यान्न सहयोग गरिएको उनले बताए । साथै दोस्रो चरणको सहयोगका लागी तयारी गरीरहेको उनको भनाई छ ।
अपाङ्गता भएका बागका दाईले पालन पोषण गर्न नसक्ने भन्दै घर बाट निकालेको उनि बताउछन । घर बाट निकाले पछि परशुराम नगरपालिका–१२ को तुलाभाडीमा कोठा भाडमा लिएर बस्न थालेको र कोठा भाडा तिर्ने पैसा नभए पछि आज भोली परशुराम नगरपालिका र आलिताल गाउपालिकाको सिमा क्षेत्र सिस्ने खोलाको डिलमा प्लाष्टिक टाँगेर बसेको उनले बताए । सामाजिक सुरक्षा भत्ताको भरमा उनिहरु बाँचिरहेका छन ।
आमाले जेष्ठ नागरिक र जयले आपाङ्गता वाफतको सामाजिक सुरक्षा भत्ता पाउछन । त्यही भत्ताले साँझ बिहान खानका लागी चाँजोपाँजो मिलाउछन । यस्ता ब्यक्ति लाई सहयोग गर्न पाउदा आफुनिकै खुशि भएको र आगामी दिनमा पनि यस किसिमका सामाजिक क्रियाकलापमा आफनो प्रयास निरन्तर रहने उनले बताए ।
